Осми Март е Ден а жената и женските права, за којшто многу жени во минатото дури и ги дале своите животи за тоа да биде реалност и она што сега го добиваме со самот раѓање, многу жени порано го немале и требало да се изборат за тоа. Поаѓајќи од таа точка не сметам дека славењето на успехот на овие жени треба да биде еден ден во годината. И тоа нанесоодветен начин на  славење е по кафеани, патувања и слично, вели „Утрински брифинг“ на „Слободна ТВ“, Елена Димушевска, извршен директор во Национална мрежа против насилство врз жените и семејно насилство.

-Мислам дека треба да разговараме и работиме на тоа да се најдат посоодветни начини не да се прослави туку да се одбележи овој празник. Од друга страна за овие теми треба почесо да зборуваме. 8 Март колку и да е ден за одбележување, сепак не е единствениот ден кога женските права треба да бидат тема на разговор. Иако ги имаме оние основни права за кои што тие се бореле, родовата еднаквост во Македонија е далеку од она што би било минимално задоволително- вели Димушевска.

Сè уште, потенцира Димушевска, жените немаат ист пристап во однос на мажите.

-За тоа сите треба да разговараме и да најдеме начин како да се едуцираат жените за значењето на овој празник и тоа заедно со медиумите да се прави тековно- рече Елена Димушевска, извршен директор во Национална мрежа против насилство врз жените и семејно насилство, коментирајќи го нашиот менаталитет за прослави на еден ден од годината.