Извршниот директор на фудбалскиот клуб Вардар АД Миленко Неделковски ја информира заинтересираната јавност дека аргентинскиот интернационалец Диего Кастањеда ја продолжи верноста кон Вардар за уште две сезони.

Новиот договор на Аргентинецот со скопските „црвено-црни“ ќе важи до јуни 2028 година.

Досега во шампионатот сезонава Кастањеда има девет настапи и два голови, по еден во победите над Работнички (3:1) и Пелистер (4:1).

Моментно во Првата македонска лига фудбалерите на Вардар се првопласирани со 33 бодови.

По репрезентативната пауза, тимот на Гоце Седлоски на 23 ноември во новиот лигашки меч ќе го пречека Шкупи.