Џошуа им одговори на критичарите: Дали сè уште сакате да се пензионирам

twitter/lapunjabiradio

Ентони Џошуа со едногласна одлука на судиите го совлада Енди Руиз во Ријаз и си ги врати четирите титули во супер тешка категорија кои ги загуби во првиот меѓусебен дуел одржан во јуни оваа година.

– Човек како мене нема изговори кога станува збор за боксот, навикнав да ги нокаутирам своите противници. Претходниот пат бев уловен, останав без изговор и му оддадов почит на Енди. Останете гладни, останете понизни. Го прифатив поразот и успеав да се вратам. Дали сè уште сакате да се повлечам – изјави Џошуа.

Сега веќе поранешниот шампион, Енди Руиз изјави дека главна причина за поразот беше неговата преголема тежина. Тој во рингот влезе со дури 129 килограми, 21 повеќе од Џошуа.

– Сакам трета борба. Ова беше негова ноќ. Не се подготвив како што треба, претежок сум… Ако има трета борба ќе се подготвам подобро од било кога“. Се обидов да тренирам, но не сакам оправдувања, Џошуа заврши одлична работа – рече Руиз.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот