ДФРМ: Прирачник за филмаџии

Друштвото на филмските работници на Македонија (ДФРМ) во рамките на второто издание на ревијата на македонски филмови „Златна рамка“ промовираше Прирачник за филмаџии. Потребата од објава на ваков прирачник ја увиделе самите филмаџии, а намерата е да се овозможи полесно и поточно разбирање во комуникацијата меѓу сите професии што се вклучени во работата на филмскиот сет.

Со прирачникот се опфатени сите битни термини и функции во комплексната филмска индустрија и ова е прв обид да се воведе ред во филмската терминологија, бидејќи во продукцијата на еден филм се вклучени голем број на работници и автори кои мораат прецизно да знаат што работат и колку време и буџет имаат за истото.

Прочитајте и...  МНК ИКОМ: Музејска состојба на условна „пауза“

– Во пресрет на 70-годишнината на ДФРМ, сметавме дека е потребно едно вакво систематско подредување и дефинирање на поимите и описите на функциите во филмот. Прирачникот е, всушност, филмскиот буквар, кој секој филмаџија мора да го знае инстинктивно, доколку сака да се занимава со филм. Ова е многу важен проект и чекор кон поголемата визија, а тоа е дека филмската индустрија во Македонија треба да добива свое конкретно место со дефинирана рамка во која ќе се делува и твори, потенцира претседателот на ДФРМ, Игор Иванов-Изи.

За да ја добие прирачникотсвојата форма, придонес дале сите членови на ДФРМ и нивните соработници, а како содржини сместени во посебни поглавја во книшката се дефинирањето на профилот на ДФРМ, дефинирањето на филмските работници од авторска и техничка позиција, номенклатура на филмските кредити и речник на филмските термини на македонско-англиски и англиско-македонски јазик.

Прочитајте и...  Интервју со Ерол Туфан: Творештвото е посег по бесмртноста

Уредник на прирачникот е Стојан Синадинов, редактор е Слаѓан Пенев, соработници за стручната литература се Снежана Стојановска и Милка Анчевска, додека илустрациите и дизајнот се на Игор Тошевски. Прирачникот примарно е наменет на филмските работници, но може да биде исклучително корисен за сите вљубеници во филмската уметност.

(Текстот е објавен во „Културен печат“ број 19, во печатеното издание на „Слободен печат“ на 22-23 февруари 2020 година)

Прочитај повеќе

Интервју со Ерол Туфан: Творештвото е посег по бесмртноста

Тони Димков

Група „Стринг форсис“: Албуми снимени во живо ќе бидат достапни за публиката

Тони Димков

МНК ИКОМ: Музејска состојба на условна „пауза“

Тони Димков

Дигитална видеопромоција: Драмски текстови и етиди од Миа Николоска

Тони Димков

Галерија „Ко-Ра“: Ликовна изложба посветена на планетата Земја

Тони Димков

Слем-серијал онлајн: „Коронаслем 9“ со македонски слемерки и слемери

Тони Димков

Остави Коментар

Прочитај повеќе

Излезе „Културен печат“ број 32 во весникот „Слободен печат“

Тони Димков

Нова книга: „Ти, моја, безмилосна една!“ од Цветанка Колева

Тони Димков

Поезија од Елена Пренџова: Параноична

Тони Димков

Глобална акција: Скулпторот Сашо Саздовски е дел од проектот „100 земји, 100 маски“

Тони Димков

Креативна Европа: МЕДИА даде поддршка за „Македокс“ и за најновиот филм на „Сестри и брат Митевски“

Тони Димков

Проект на Националната галерија: Уметнички дневници

Тони Димков