Александар Стуб е нов претседател на Финска откако победи во вториот круг од претседателските избори.

Тој беше прогласен за победник откако во вториот круг доби 51,6 отсто од гласовите, откако беа преброени 99,7 отсто. Хаависто освои 48,4 отсто.

„Единственото нешто за што можам да мислам сега е благодарноста. Ова е голема победа за демократијата во Финска“, изјави Стуб по прогласувањето на победата.

Стуб е проевропски политичар, голем поддржувач на Украина и со цврст став кон Русија. Стуб и Хаависто влегоа во вториот круг од претседателските избори во Финска, откако ниту еден кандидат не обезбеди доволно гласови во првиот круг пред две недели.