Пред десет години на денешен ден, Македонија остана без едно од своите најголеми фудбалски имиња. Во сообраќајна несреќа во близина на Куманово животот го загуби нашата голманска легенда, Петар Милошевски.

Во својата кариера во Македонија, Милошевски бранеше за Пелистер и Вардар, додека подоцна го носеше дресот на: Трабзонспор, Малатијаспор, Себатаспор и Енозис. Стандардно го чуваше голот и на македонската репрезентација за која собра 59 настапи. Вкупно во кариерата одигра над 500 натпревари.

И по завршувашњето на кариерата, Милошевски остана да биде дел од македонскиот фудбал и работеше како спортски директор во репрезентацијата.

Денес теренинг-центарот на ФФМ во Скопје го носи неговото име, а од неодамна и стадионот во Битола каде што ги направи првите фудбалски чекори.