Дерала добитник на наградата „Солидарност за новинари“ на германската „Асоцијација за Југоисточна Европа“
Џабир Дерала, главен и одговорен уредник на Цивил Медиа и основач и претседател на ЦИВИЛ – Центар за слобода е организација за човекови права и слободи, е добитник на наградата „Солидарност за новинари“, што ја доделува германската „Асоцијација за Југоисточна Европа“ (Südosteuropa-Gesellschaft e.V.), поддржана од Министерството за надворешни работи на СР Германија.
Наградата што ја доделаува оваа организација за поддршка на политичката, научната и социо-културната размена со на Германија со земјите Југоисточна Европа, им им оддава почит на храбрите новинари од нашите партнерски земји кои се изложуваат на високи лични ризици за критичко известување, се вели во соопштението на „Асоцијацијата за Југоситочна Европа“ (Südosteuropa-Gesellschaft e.V.).
Во соопштението се наведува дека со оваа награда им се оддава признание извонредна работа на наградените и за нивниот придонес за поголема демократија, владеење на правото и слобода на печатот во регионот.
Наградата на Дерала ќе му биде врачена на 4 јули 2024 година, во германскиот Бундестаг во Берлин.