Алесандро Дел Пјеро наскоро би можел да биде промовиран во потпретседател на Јувентус, откако во прв човек на „старата дама“, беше промовиран Џанлука Фереро.

„Сите многу добро знаат што значи Јувентус за мене. Сè уште имам куќа во Торино. Дали би се вратил? Секако, под вистински услови, но никој сè уште ми се нема јавено“, изјави Дел Пјеро од Катар, непосредно по оставките на Ањели и останатите директори.

Краен рок за доставување на имињата на новиот управен одбор на Јувентус е 25 декември, а одредени италијански медиуми најавуваат дека во новата управа ќе се најде и името на Џорџо Кјелини, но со помалку важна функција од онаа на Алесандро Дел Пјеро.

Јувентус се најде под истрака на Италијанската фудбалска федерација, откако излегоа во јавност обвинувања дека на фудбалерите им се исплатувале поинакви суми на пари, од тоа што било пријавено.