Деари на главниот турнир, Србљак со триумф за второ коло во Куршумлијска бања
Македонските тенисери Горазд Србљак и Шендрит Деари остварија победи на денешните мечеви на фјучрсот во Куршумлијска бања, Србија што се игра за награден фонд од 15.000 долари.
Србљак во рамките на првото коло го победи Александар Чепик од Русија со 2:0 во сетови (6:3. 7:5) за еден час и 51 минута игра. Во следното коло Србљак ќе игра против вториот носител, Свјатослав Гулин од Русија.
Деари успешно ги заврши квалификациите со три победи. Денеска во финалното коло го совлада Филипо Мондини од Италија со 6:2 и 6:2 за 1 час и 34 минути.
Во првите две рунди од квалификациите Деари беше подобар од Франческо Кано од Италија и Радован Мичалик од Словачка.
В среда во првото коло Деари ќе игра против седмиот носител Петр Нестеров од Бугарија.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот