Дваесет и четиригодишниот Дарко Митровиќ од општина Центар го извади светиот крст од водите на Вардар во рамки на централната манифестација за одбележување на празникот Водици во Скопје, што се одржа кај мостот „Слобода“.

Митровиќ беше најсреќниот меѓу 160 пријавени мажи и една девојка за фаќање на крстот што во водите на Вардар го положи поглаварот на Македонската православна црква – Охридска архиепископија, архипископот г. г. Стефан.

Манифестацијата почна со богослужба во храмот „Рождество на Пресвета Богородица“ од каде и се упатија богојавленските литии на локацијата за централното одбележување.

Инаку денеска празникот се одбележа со фрлање на светиот крст на повеќе локации низ градот, во Ѓорче Петров, Бутел и Гази Баба.