Гледачите на „Камп Ноу“ беа сведоци на еден од најневеројатните пресврти во Лигата на шампионите, Манчестер јунајтед до 91. минута губеше со 0:1 но на крајот успеа да ја освои титулата.

Баерн Минхен поведе уште во шестата минута со голот на Марио Баслер од слободен удар. Во продолжението на средбата баварците ја контролираа играта и имаа неколку одлични шанси преку Карстен Јанкер и Мемет Шол за да ја зголемат предноста но мрежата на Петер Шмајхел не се затресе.

И кога сите мислеа дека се е готово и Баерн ќе го крене шампионскиот пехар, во 91. минута беше досуден корнер за Јунајтед. Топката ја уфрли Бекам, таа од Гигс се одби до Теди Шерингем кој успеа да го совлада Оливер Кан и да го израмни резултатот.

Примениот гол ги шокира фудбалерите на Баерн но веќе во следниот напад на „црвените ѓаволи“ тие беа „уништени“. Повторно беше досуден корнер за Манчестер јунајтед и повторно Бекам го изведе, но овој пат Шерингем ја додаде топката до Оле Гунар Солскјер кој го совлада Кан што значеше триумф во Лигата на шампионите.

За Манчестер јунајтед настапија: Шмајхел, Невил, Ирвин, Јонсен, Стам, Бат, Бекам, Гигс, Бломквист (Шерингем од 67. минута), Кол (Солскјер од 81.), Јорк.

За Баерн Минхен настапија: Кан, Матеус (Финк од 80.), Бабел, Куфур, Линке, Тарнат, Ефенберг, Јеремис, Баслер (Салихамиџиќ од 87.), Циклер (Шол од 71), Јанкер.