Д-р Стојанов: Што побргу да се вакцинираат повеќе луѓе, а во тие луѓе влегуваат и децата

д-р Александар Стојанов, актуелниот директор на ЦЈЗ

Од денеска во земјава започна вакцинацијата на деца од 12 до 16 години со вакцината на „Фајзер“, а епидемилогот и поранешен директор на Центарот за јавно здравје, д-р Александар Стојанов, во разговор за „Слободен печат“ ги поттикна родителите да не се плашат и да ги вакцинираат своите деца.

– Стравот кај родителите не е ништо ново. Од како знам за себе тие одбиваат да ги вакцинираат децата и постојано имаме проблеми со тоа. Инаку, медицинско познавање во земјава нема, треба сите да се вакцинираат – вели д-р Стојанов.

Тој одговори и на изјавата на микробиологот Пановски, кој смета дека треба да продолжи да се става акцентот на вакцинација на возрасните, а не на децата, посочувајќи дека треба да се вакцинираат сите, дури и животните.

– И она Пановски што вели дека децата не треба, јас велам дека треба и животните да се вакцинираат против ковид, бидејќи имаше и случаи кога човек го пренесуваше вирусот на животно, не и обратно. Се треба да се вакцинира, така се сузбива пандемија, не можете да оставате џебови – додаде д-р Стојанов.

Докторот вели дека страв не смее да има, а изјави и дека сите вакцини се добри.

– Потребно е во што пократок период да се вакцинираат што повеќе луѓе, а во тие луѓе влегуваат и децата. Еве кај нас возраста е од 12 до 16 години, но некои земји ја симнаа границата и дури и деца од 3 години можат да примаат вакцина. Така што, јас сум апсолутно за вакцинација и нема потреба од страв, вакцините се добри – заклучи д-р Стојанов.

Видео на денот