Препорачливо бремените жени да се вакцинираат во четвртиот месец од бременоста, изјави доктор Викторија Јовановска, директор на Клиниката за гинекологија и акушерство во денешното издание на емисијата Магазин на Сител ТВ.

– Бремените жени треба да бидат вакцинирани, само постоеше дилема околу тоа да се усогласиме на стручен колегиум заедно со нашето гинеколошко здружение, заедно со Комитетот за безбедно мајчинство, заедно со Перинатолошкото здружение, да ги усогласиме ставовите за да имаме унифициран став да не ги буниме трудниците, вели таа.

Како што вели директорката во тек на бременоста пациентките препорачливо е да бидат вакцинирани во 4 месец од бременоста, односно по 14 гестациска недела кога е започнува да се формира органогенезата, изјави д-р Јовановска.. 

Докторката вели дека нема препорака да се прекине бременоста доколку трудницата се вакцинирала во раната бременост, туку е доволно само следење на понатамошниот терк на бременоста.

– Останале бремени а биле вакцинирани во тек на рана бременост или кога планирале репродукција, значи нема препорака да се прекинува бременоста, туку напротив таа треба само да се следи и за 8 недели да се ревакцинира, додава д-р Јовановска.