Цветанов: По 50 милиони евра награда за „фраерите“ кои ќе ги донесат Груевски и Мијалков
Претседателот на Совет за унапредување и надзор на ревизијата Ване Цветанов преку својот Фејсбук профил излезе со интересен предлог како бегалците Никола Груевски и Сашо Мијалков да се пронајдат и вратат зад решетки.
Национална па меѓународна потерница – полицијата го бара Мијалков по сите канали
„Иницирам подготовка и носење на специјален Закон за награда за испорака на Никола Груевски и Сашо Мијалков. Наградата нека биде по 50.000.000 евра по глава. Има доста меѓународни фраери кои би ја завршиле работата. Потребен е еден пратеник кој ќе го предложи законот. Наместо филозофии, ајде да бидеме конкретни. Стојам на располагање за да помогнам со сето мое знаење и искуство, повелете...“, напиша Ване Цветанов кој е поранешен директор на Агенцијата за спречување перење пари и финансирање тероризам.
Под оваа објава многумина му коментираа дека наградата сепак е превисока.
ВИДЕО | Проф. Ременски: Бегството на Мијалков е голем удар и срам за нашиот правосуден систем