Корисниците од Црна Гора кои ќе се одлучат да се претплатат на Вибер Плус ќе бидат првите во светот кои ќе имаат можност да активираат нови услуги и функционалности достапни само за членовите на претплатничкиот клуб.

Сите останати стандардни и секојдневно користени услуги на апликацијата Вибер ќе останат бесплатни за сите корисници ширум светот. За 1,99 долари месечно, претплатниците на Вибер Плус ќе имаат пристап до дополнителни функции, а сите членови ќе добијат и значка за потврда со нивниот аватар (слика на профилот) што ја потврдува нивната претплата.

Оваа услуга ќе биде достапна во фази во целните региони во светот – почнувајќи од Црна Гора, Чешка, Швајцарија, Кувајт и Австралија. Дополнителните функционалности на Вибер Плус се веќе во развојна фаза и наскоро ќе бидат претставени, објави црногорскиот портал Аналитика.