Чурлинов ќе ја претставува Македонија во Бундеслигата (ВИДЕО)
Денеска и официјално заврши регуларниот дел од сезоната и во втората Бундеслига, во последното 34 коло Штутгарт дома загуби од Дармштад со 1:3.
Кај домаќините настапи Дарко Чурлинов од 40 минута, а 120 секунди подоцна прво ја украде топката, придонесе да креира опасен контранапад и придонесе во акцијата за израмнување, стрелец беше легендарниот Марио Гомез.
На крајот гостите се радуваа на трите бодови, иако со играч помалку од 66 минута при водство од 1:2, постигнаа уште еден гол во самиот финиш од средбата преку Кемпе.
На конечната табела првото место го освои Арминија Билефилд (68 бодови) и заедно со второпласираниот Штутгарт (58) следната сезона ќе играат во најсилната Бундеслига.
Борба се водеше за третата позиција која носи плејоф и последна шанса за учество во најсилното германско првенство. Во таа битка Хајденхајм ќе се соочи со Вердер Бремен кој заврши на 16 место во елитата.
Иако Хајденхајм (55) загуби со 3:0 на гостувањето кај Арминија Билефилд, на крајот е третопласиран благодарение на неочевакуно високиот пораз на Хамбургер од дури 1:5 од Сандхаузен и крајно ги разочара своите навивачи. На крајот Хамбургер (54) остана со празни раце и заврши на четвртата позиција.