Екипата на Лацио продоли а да се соочува со сериозни проблеми во обидот да се врати на патеката на успехот од периодот кога редовно се бореше за трофеи во италијанскиот фудбал, но и оваа сезона не не им оди најдобро. По вчерашното реми со Фиорентина, тренерот Маурицио Сари јавно призна дека нема целосна контрола врз кадровската политика во клубот.

Искусниот стратег откри дека не е запознаен со најновото зимско засилување, српскиот напаѓач Петар Ратков, кој дојде како замена за Валентин Кастељанос за сума од 13 милиони евра.

„Искрено, не го познавам Ратков и не знам речиси ништо за него. Тешко ми е да зборувам за фудбалер со кого не сум запознаен. Луѓето од клубот го донесоа и тие знаат повеќе“, изјави Сари по натпреварот.

Лацио се најде во тешка позиција по забраната за трансфери минатото лето, а во јануарскиот преоден рок беше принуден да се раздели со дел од клучните играчи. Продажбата на Кастељанос во Вест хем дополнително ја ослабе а офанзивата, а доаѓањето на Ратков од Салцбург, според зборовите на Сари, очигледно не било во согласност со неговите желби.