Вчера попладне, 27-годишен државјанин на Турција е уапсен на граничниот премин „Табановце“, откако се појавил без никакви документи и сакал да ја напушти Македонија. Полицајците набргу откриле дека тој криел непријатна тајна, поради која и го уапсиле.

„На 14.12.2025 во 16:20 часот на Граничен премин Табановце, полициски службеници го лишија од слобода О.А.(27) од Република Турција. При излез од државата тој не поседувал никакви документи, а по извршени проверки утврдено е дека по барање на Интерпол по него е распишана меѓународна потерница и бил баран за издржување на затворска казна од осум години. Тој е пренесен во прифатен центар за странци во Скопје за понатамошна постапка“, пишува во полицискиот билтен.