Чехинките со избор: Можат да бираат која форма на презиме од мажот ќе ја земат
Чешката влада донесе нов закон каде на жените им дава можност сами да бираат која форма на презиме ќе ја изберат. За законот тие велат дека е еден голем чекор кон рамноправноста на половите, пренесува Хина.
Претседателот Милош Земан вчера го потпиша новиот закон. Пред тоа законот беше одобрен со целосно мнозинство во парламентот.
Жените претходно мораа да го прифатат презимето на нивниот сопруг со наставката „-ова“, што е вообичаено кај словенските јазици.
На пример, доколку мажот се презива Новак, жената ќе мораше да се презива Новакова.
Поранешната министерка за правда на Чешка, Хелена Валкова, таа традиција ја нарече „знак на нееднаквост“. Валкова всушност имаше клучна улога во носењето на овој закон.