Во вторникот Барселона во шпанската фудбалска „Ла Лига“ одигра само 2:2 на гостувањето против Мајорка, и ваквото реми може да го искористат ривалите во трката за титулата.

Моментно Барса е првопласирана со 17 бодови, пред Жирона (16) и Реал Мадрид (15) кои имаат по еден натпревар помалку во шампионатот.

– Правиме индивидуални грешки и затоа мора да бидеме многу поконцентрирани. Мора да се подобриме во тој дел. Мислам дека тоа е многу слаба точка за нас. Создаваме многу шанси за голови, но и примаме премногу. Повторно правевме грешки против Мајорка – вели Чави.

И неговите играчи се свесни дека прават премногу грешки на стартот на сезоната.

„Премногу им дозволуваме на противниците“ – се согласи Ориол Ромеу со тренерот.

И болките во одбраната не се случајни, а Барса особено се засили во офанзивниот дел, Жоао Феликс блескаво ја започна својата авантура на Ноу Камп, а не е многу послаб ниту Жоао Кансело. Роберт Левандовски повторно ја наоѓа својата напаѓачка форма, а добри игри имаат и Рафиња, Феран Торес и новиот „вундеркинд“, Ламине Јамал.