Чартер летот со германските репрезентативци принудно слетал во Единбург
Чартер летот на германската фудбалска репрезентација, при враќањето од Исланд, принудно слетал во Единбург, Шкотска, поради дефект на авионот.
– Ние сме добро. Во тек се безбедносни проверки. Безбедноста е на прво место – соопштија од германската фудбалска федерација.
Во еден момент, „Боинг 737“ нагло сврте десно и почна да се спушта, па пилотот побара итно слетување. Не е познато што предизвика принудно слетување.
Нема да се организира нов чартер лет од Единбург, но играчите и стручниот штаб ќе патуваат до нивните дестинации по редовни линии.
Инаку, германската репрезентација вчера го победи Исланд со 4:0 во квалификацискиот натпревар за Светското првенство 2022 година во Катар.
Токму Германците се и во нашата квалификациска група „Ј“, моментно се првопласирани после шест кола со 15 бодови, Ерменија е второпласирана со 11, пред Романија (10), Македонија (9), Исланд (4) и Лихтенштајн (1).
Uns geht’s gut. 👍🏼☕️
Sicherheitscheck an der Maschine läuft… https://t.co/bUemCeBXt1— Die Mannschaft (@DFB_Team) September 9, 2021