Цената вистинска ситница: Полуиспушената пура на Винстон Черчил на аукција
Љубителите на историјата ќе имаат шанса да наддаваат за предмети на двајца поранешни британски премиери на аукција овој месец.
Полуиспушената пура на Винстон Черчил и лулето на Харолд Вилсон ќе се продаваат на аукцијата од „Кетрин Саутон аукционери и вреднувачи“ (Catherine Southon Auctioneers & Valuers) на 19 јули.
Во полуиспушената и полуизџвакана пура Черчил уживал во својата резиденција во Чартвел додека го гледал филмот „Бен Хур“. Подоцна му ја дал на полицаец кој бил дел од тимот за обезбедување во неговата семејна куќа и го молел Черчил да му ја подари за спомен.
Cigar smoked by Sir Winston Churchill nearly 80 years ago up for auction https://t.co/YeGdT92Vx6
— Sky News (@SkyNews) May 30, 2023
Божиќната честитка испратена до сопственикот во 1963 година и писмото со кое се потврдува пурата со ознака Ромео и Јулија сега се ставени на продажба од семејството на полицаецот и се очекува да достигнат цена помеѓу 700 и 900 евра.
Во меѓувреме, дрвеното луле на Вилсон, за кое е познато дека „му помага да се опушти“, исто така е потврдено со официјално писмо од самиот поранешен премиер до сегашниот сопственик кој го купил на добротворна аукција во 1979 година. Очекуваната цена е помеѓу 349 евра и 580 евра.
– Мило ми е што ќе ставиме на аукција две иконски парчиња кои припаѓаат на политичките сувенири на двајца познати премиери во толку важен период од нашата политичка историја – рекла Кетрин Саутон, претставничка на аукциската куќа.