Бурен развод: Софија Вергара и Џо Манганиело не можат да се договорат околу една работа
Софија Вергара (51) неодамна објави дека се разведува од актерот Џо Манганиело (46) по седум години брак. Откако актерот поднесе барање за развод, сега доаѓа и официјалната распределба на имотот и сè што заедно стекнале.
Но, се отвора и прашањето, за тоа кој ќе го добие старателството за нивното куче Баблс, а според „Ју-ес Уикли“, тоа се наведува како една од најпроблематичните точки при разделбата.
Извор близок до актерката вели дека и покрај несогласувањата, Софија се надева на разделба по мирен и праведен пат.
Веднаш по стапувањето во брак, двојката одлучи да вдоми куче, бидејќи актерката многу сакала да има домашно милениче, но во едно интервју откри дека нема баш најдобар однос со кучето, кое повеќе се поврзало за нејзиниот сопруг. Двајцата неодамна го одбележаа десетиот роденден на нивното милениче.
„Колку пати и да ме каснеш, јас секогаш ќе те сакам“, напиша актерката на Инстаграм по повод роденденот на Баблс.
Да потсетиме, тие во пресрет на нивната венчавка во 2015 година потпишаа предбрачен договор, а богатството на Софија се проценува на 180 милиони долари, додека неговото за 140 милиони долари помалку. Инаку, Џо во документите за развод наведе дека причина за разделбата биле „непомирливите разлики“, со веќе поранешната сопруга.
ФОТО | „Летото е за мене“: Софија Вергара ужива покрај базен во провокативно бикини
ФОТО+ВИДЕО | Софија Вергара го слави разводот: Танцува во танга-бикини во Италија