Бум од Италија: Јувентус остана без комплетната управа!

Фото: EPA-EFE/STRINGER

Вистински потрес одекна вечерва од Торино – комплетната управа на Јувентус, вклучувајќи ги потпретседателот на клубот Павел Недвед и претседателот Андреа Ањели, поднесе оставки.

Ова е голема вест во фудбалскиот свет и означува крај на една ера. Ањели на чело на клубот беше од 2010 година. Засега нема подетални информации, меѓутоа во најбрз можен рок се очекува промена на структурата на клубот. Oфицијално имињата на новите лица во клубот ќе бидат објавени на 18 јануари.

Засега е познато само дека Маурицио Аривабене (извршниот директор), ќе го предводи клубот во текот на зимскиот преоден рок, иако и тој се повлекува заедно со другите раководители на клубот. Потврда нема, меѓутоа медиумите пишуваат дека причина за оставките се обвиненијата кон управата за лажираните финансиски извештаи за 2018, 2019 и 2020 година.

Видео на денот