Сериозен инцидент ја шокираше јавноста во Албанија вчера кога новинарот Елтон Тозај беше брутално претепан на автопат. Во објава на социјалните мрежи тој објави фотографија на која се гледа дека има видливи знаци на повреди на лицето по ударите што ги примил. Фотографиите предизвикаа големо внимание откако семејството било информирано за неговата здравствена состојба. Како што објави „Телеграфи“, повикувајќи се на членови на семејството, новинарот е во сериозна здравствена состојба и е на интензивна нега. Ситуацијата се смета за критична и Тозај се наоѓа во опасност да го загуби видот.

Во соопштение до јавноста, семејството на новинарот детално опиша дека нападот се случил во 19 часот и 30 минути на автопатот Тирана-Дурес и дека сторителите веќе се идентификувани.

Елтон се бори да го зачува видот и се надеваме дека повторно ќе биде со нас како порано, гласи пораката од семејството.

Инцидентот ги покрена прашањата за слободата на новинарите и потребата од целосна и транспарентна истрага.