Властите во Демократска Република Конго денеска соопштија дека бројот на потврдени случаи на ебола се зголемил на 1.708, а најмалку 580 луѓе починале, објави „Ројтерс“.

Светската здравствена организација (СЗО) предупреди дека епидемијата сè уште не е стабилизирана и продолжува да се шири, бидејќи движењето на населението го поттикнува пренесувањето на вирусот.

Болеста е предизвика од реткиот вирус Бундибуџо, за кој не постои докажан третман или лек.

„За жал, сè уште сме во фаза на ширење. Би сакале да кажеме дека состојбата се стабилизира, но искрено, сè уште не можеме да го кажеме тоа“, изјави Ан Ања, претставничка на СЗО во Конго.

Таа посочи дека остануваат големи предизвици, меѓу кои и фактот дека некои центри за лекување на ебола се исполнети до 90 отсто од капацитетот.

Кенија ја запре изградбата на контроверзниот карантински објект за Американци заразени со ебола

Дополнителен проблем е што работници кои се разболуваат во рударскиот град Монгбвалу не бараат лекување таму, туку патуваат во други места и ја шират болеста во нови региони, рече таа.

„Проблемот се луѓето кои се враќаат, но се враќаат предоцна и умираат со своите семејства“, изјави Ања, додавајќи дека здравствените работници се обидуваат да постават повеќе контролни пунктови на патиштата за да го спречат ширењето.

Меѓу жртвите на епидемијата има и многу здравствени работници, вклучително и оние кои се заразиле пред епидемијата официјално да биде прогласена во средината на мај.

Други здравствени работници немаат соодветна опрема, како чизми, ракавици и водоотпорни заштитни одела, за да се заштитат од еболата, која се пренесува преку телесни течности.

Здравствените работници во најтешко погодената провинција Итури неодамна стапија во штрајк, жалејќи се на доцнење со исплатата на платите.

„Повеќето здравствени работници повторно започнаа со работа од вчера. Сè уште има неколку групи кои се незадоволни“, рече Ања.

Разгневена толпа запали болнички центар за ебола во Источно Конго, загина полицаец