Бритни Спирс била уапсена во средата навечер во округот Вентура, Калифорнија, поради возење под дејство на алкохол, тврдат полициски извори за „ТМЗ“. На поп-ѕвездата ѝ биле ставени лисици околу 21:30 часот по локално време, откако била запрена од Калифорниската патролна служба на автопатите (California Highway Patrol).

Сепак, според евиденцијата на притвореници на шерифската служба во округот Вентура, Бритни Спирс во меѓувреме е пуштена на слобода.

Како што пренесе „Пејџ Сикс“, се очекува пејачката да се појави пред суд на 4 мај.

По апсењето, Бритни Спирс го избришала својот профил на Инстаграм. Порталот „Пејџ сикс“ ги контактирал нејзините претставници за коментар, но до објавување на текстот не добиле одговор.

Нејзиниот автомобил по инцидентот бил однесен во компанијата „Roy’s Towing“.

Да потсетиме, минатиот месец пејачката веќе предизвика загриженост кај обожавателите откако на социјалните мрежи објави серија енергични видеа во кои танцува низ домот. Во едно од видеата ги покажа своите затегнати стомачни мускули и во еден момент ја крена маицата додека танцуваше на песна од пејачката Били Ајлиш.

ФОТО | Бритни Спирс за родителите: „Тие никогаш нема да преземат одговорност за тоа што ми го направија“