Пејачката Бритни Спирс и нејзиниот долгогодишен партнер Сем Асгари се разделуваат по 14 месеци брак, дознава таблоидниот медиум „Ти-ем-зи“.

Извори за „Ти-ем-зи“ велат дека, пред околу една недела, Асгари се соочил со Спирс за гласините дека таа го изневерувала. Не се знае дали гласините се вистинити, но тој им поверувал и се расправале во голема мера.

Наводно, Асгари се иселил од нивната куќа и сега живее во свој стан.

„Прашање на време е кога Сем ќе поднесе барање за развод“, додава изворот.

Никој од нив сѐ уште не ја искоментирал веста за разводот.

Како потсетување, Бритни Спирс и Сем Асгари се венчаа во јуни 2022 година, на свадбена церемонија во куќата на поп-ѕвездата. Меѓу гостите беа Мадона, Парис Хилтон и Селена Гомез.

Тие беа во врска шест години пред да се венчаат, а се запознаа на снимањето на видеозаписот за песната „Slumber Party“.

„Ова ќе го потресе светот“: Бритни Спирс ја заврши својата автобиографска книга