Часовникот на најбогатиот патник на Титаник е продаден за 1,2 милиони фунти
Златен џебен часовник кој му припаѓал на најбогатиот патник на Титаник, Џон Џејкоб Астор IV, е продаден на аукција за рекордни 1,2 милиони фунти.
Аукциската куќа „Henry Aldridge & Sun“ го продала џебниот часовник од 14 каратно злато „Voltham“ на приватен колекционер од САД во саботата за највисока сума понудена досега за кој било предмет од Титаник, пишува „Гардијан“.
Gold pocket watch of richest man on Titanic fetches record-breaking £1.2m https://t.co/bzcyQk7Jk1
— The Guardian (@guardian) April 28, 2024
Претходната највисока платена сума за предметите на Титаник беше 1,1 милион фунти за виолина свирена од музичари додека бродот потона, продадена во истата аукциска куќа во 2013 година.
Часовникот изгравиран со иницијалите JJA (ЏЏА) е пронајден со телото на Џон Џејкоб Астор IV, неколку дена откако Титаник потона.
Во тоа време беа пронајдени и дијамантски прстен, златни и дијамантски манжетни, 225 фунти во англиски банкноти и 2.440 американски долари. „Астор е добро познат како најбогатиот патник на Титаник и се сметаше дека е меѓу најбогатите луѓе во светот во тоа време, со богатство од приближно 87 милиони долари, што е еквивалентно на неколку милијарди долари денес“, соопшти аукциската куќа.
Се продава часовникот на најбогатиот патник на Титаник: Може да достигне цена до 175.000 евра