Долниот дом на бразилскиот Конгрес не го изгласа уставниот амандман поднесен од претседателот Жаир Болсонаро за промена на системот на гласање пред претседателските избори, што ќе се одржат следната година, пренесува Ал Џазира.

„За” уставниот амандман гласаа 229 претставници, 218 се изјасниле „против”, а еден бил воздржан, додека десетици претставници на законодавната власт не присуствуваа на седницата. Болсонаро предлагаше на претседателските избори следната година да се гласа со хартиени гласачки ливчиња наместо електронски, тврдејќи дека со електронското гласање се лажираат изборите.

Рејтингот на Болсонаро е во пад, а Бразил е втора земја во светот по смртност од Ковид-19.

Неколку часа пред гласањето на улиците на Бразилика бразилската морнарица одржа парада, што неговите противници го оценија како притисок врз пратениците. Морнарицата соопшти дека парадата била претходно планирана.

Болсонаро ја следеше парадата, а сликата со тенковите пред претседателската палата не остави впечаток кај Бразилците, бидејќи голем број од нив се сеќаваат на периодот од 1964 до 1985 година, кога живееја под воена диктатура