Бразил го растури Перу, Нејмар во лов на рекордот на Пеле
Фудбалерите на Бразил со убедливи 4:0 го совладаа Перу во второто коло од групата Б на Копа Америка.
Селекторот Тите направи дури шест измени во однос на натпреварот од првото коло со Венецуела, но Бразил предводен од Нејмар дојде до убедлив триумф.
„Кариоките“ победата ја најавија во 12 минута кога Алекс Сандро го отвори резултатот.
Бразил продолжи со доминацијата на теренот и со нападите, но вториот гол го постигна во 68 минута кога во листата на стрелци се запиша Нејмар кој интересно го постигна 68 гол за репрезентацијата. Со тоа Нејмар се приближи до рекордот за најдобар стрелец во бразилската репрезентација кој го држи Пеле со 77 голови.
FIM DE JOGO! Com gols de Alex Sandro, Neymar, Éverton Ribeiro e Richarlison, o Brasil 🇧🇷 vence o Peru 🇵🇪 por 4-0
¡LO TERMINÓ! Brasil venció 4-0 a Perú con goles de A. Sandro, Neymar, Éverton y Richarlison
🇧🇷 Brasil 🆚 Perú 🇵🇪#VibraElContinente #VibraOContinente pic.twitter.com/yJzyjkXph1
— Copa América (@CopaAmerica) June 18, 2021
Во самиот финиш, Бразил постигна уште два гола за убедлив триумф над Перу, прво во 89. минута Рибеиро, додека во судиското продолжени Ришарлисон го постави конечниот резултат.
Следен противник за Бразил во групата Б ќе биде селекцијата на Колумбија, а натпреварот ќе се игра на 23 јуни.