Екипата на Бостон селтикс одлучи да го повлече дресот со број пет кој го носеше Кевин Гарнет. Легендарниот крилен центар во најтрофејниот НБА тим настапуваше од 2007 до 2013 година, и за тоа време успеа да освои една шампионска титула, во 2008 година кога дел од тимот беа Реј Ален и Пол Пирс.

To the rafters ? #KG5 pic.twitter.com/lKMo1wmhM9

— Boston Celtics (@celtics) February 14, 2020

Во шампионската сезона беше избран за најдобар дефанзивец во лигата и беше во најдобрата петорка во регуларниот дел од сезоната.

– Чест ми е и благодарен сум што мојот број ќе биде пензиониран во Бостон. Секогаш ќе имам голема почит и благодарност до сопствениците, моите поранешни соиграчи и навивачите – изјави Гарнет.

Кевин Гарнет во дресот на Бостон одигра 396 натпревари и имаше просек од 15,7 поени, 8,3 скокови и 2,7 асистенции.