Во еден ресторан во Босна, гостин од градот Метковиќ се обидел да избега без да ја плати сметката, што предизвикало возбудлива потера долга цели три часа, пренесува „Блиц“.

Според информациите, гостинот нарачал јагнешко и пиво, а потоа рекол дека мора да оди до автомобилот по парите. Наместо да се врати, тој ја запалил колата и почнал да бега. Келнерот, чие име е Омер Башиќ, веднаш влегол во својот автомобил „БМВ“ и го следел, знаејќи дека гостинот патува кон Бања Лука. Додека траела потерата, тој го пријавил во полиција, која го запрела избеганиот гостин на влезот во Бања Лука.

„Се плашев дека нешто ќе му се случи, тој е моја гордост, а ситуацијата беше опасна, знаете дека толку брзо возењето до Бања Лука не е мала работа, но тој е таков, не толерира неправда“, изјави братот на келнерот, кој исто така работи во ресторанот.

Сметката изнесувала 16 евра, а гостинот подоцна на полицијата ѝ кажал дека не сакал да плати затоа што месото било ладно. Во полициска станица тој се согласи да ја плати сметката и понудил 25 евра „само за да се заврши сè“, пишуваат босанските медиуми.