Боречкиот клуб „Балканец“ освои четири медали на „Куп Самоков“ во Бугарија
Македонскиот боречки клуб на Балканец Штип, успеа да се закити со четири медали на меѓународниот турнир „Куп Самоков“ во Самоков, Бугарија.
Борачите на Балканец ги постигнаа следните резултати, кај пионерите 2008-2009 во грчко-римски стил Леон Манов (35 кг.) го освои златниот медал.
Во женска конкуренција, кај кадетките 2006-2007, Марија Цветанова (57 кг.) беше второпласирана.
Потоа, до среброто дојде и Мелани Митевска во категориата 61 кг., додека бронза има Анабела Данилова (61 кг.)
Ова е само продолжување на успесите на клубот, претходно овој месец освои и пет медали на меѓународниот турнир „Легендите на Спартак“ во Кочани.