Бојана Скендеровски за првпат прозборе за првиот брак и откри каков став има сега за нејзиното минато. Поп-пејачката денес е среќно мажена за продуцентот Васко Скендеровски и имаат две деца. Претходно, таа беше мажена за Огнен Чаловски.

За „Гламур ТВ“, Бојана кажа дека минатото за неа е завршена приказна.

„Па на таа тема нема да зборувам, затоа што сметам дека едноставно некој не заслужува внимание. А и тоа е нешто што е многу далеку од мојата моментална животна приказна и јас сум човек којшто кога ги затвора книгите, ги затвора засекогаш. Веројатно тоа е мој начин на ослободување простор за идна среќа“. рече Бојана.

Пејачката е со цврст став дека не сака да се врти назад, туку напротив гледа напред.

„Јас никогаш не гледам назад, ниту пак размислувам кој, зошто и како направил некои постапки. Тоа се лични одлуки, јас можам да одговарам за своите одлуки во животот и сум човек којшто кога завршува со било каква релација, професионална, приватна, никогаш повеќе не филозофира ниту пак ја анализира. Пред да донесам многу одлуки во животот, на професионален и на приватен план, јас претходно ги зреам тие одлуки, ги размислувам, ги толкувам и откако ќе ги донесам, веќе назад не гледам“, рече Бојана.

Таа неодамна одржа успешен концерт во Тетово. За таа вечер, на социјалните мрежи напиша дека е една од нејзините најемотивни во животот.