Бојана Скендеровски за првпат проговори за својот татко, со емотивен статус кој го објави на социјалните мрежи.

Поп-пејачката рече дека татко ѝ сѐ уште живее, работи, сака и создава со истиот жар како порано и нагласи дека неговата енергија и упорност се нејзина инспирација во секојдневниот живот. Повод за оваа објава е роденденот на таткото, кој ѝ бил голема поддршка, особено во почетоците на музичката кариера.

„Сѐ уште живее, работи, сака и создава со истиот жар… мојата инспирација за енергија и упорност… Среќен роденден, тато“, напиша Бојана со заедничка слика од татко ѝ.

Во ноември минатата година, пејачката ѝ го честиташе роденденот на мајка ѝ во објава на социјалните мрежи: „Среќен роденден, мајка. Остани ми убава, жива и здрава, и опкружена со сите на број!“, напиша Бојана до оваа фотографија, на која се гледа дека таа личи на мајка си, исто како и нејзината сестра Ивана.

Бојана во ноември лани прослави десет години брак со сопругот Васил Скендеровски и по тој повод објави заедничка фотографија со љубовна порака: „10 години градиме и создаваме големи нешта, зошто љубовта е нашата основа врз која создаваме! Среќна годишнина, Василе мој, само здравје, сè друго можеме! Те сакам“, напиша пејачката.

Бојана и продуцентот Васил Скендеровски имаат две деца, ќерката Искра и синот Ѓорѓи и партнери се не само приватно, туку и во работата, во заедничката продукција.