Богдановиќ: Го враќаме во функција некогашното кино во Железничката зграда

Во рамките на проектот „Активни простори на заедницата за граѓански промени“, Општина Центар во соработка со Заедницата на станари-сопственици на таканаречената Железничка зграда на ул. „Борка Талевски“ бр.26 и „Здружението за култура и уметност и Факултетот за работи што не се учат“ од Битола/Скопје, го става во функција јавниот простор, некогашното кино кое се наоѓа во Железничката зграда, информираат од Општина Центар.

Во таа насока, денеска во Општина Центар, трите страни потпишаа трипартитен договор со кој се регулирани обврските и активностите до и по конечно ставање во функција на просторот.

„Железничката зграда“ е редок градски пример кој во својата содржина има просторија која првенствено била наменета за жителите на зградата, а подоцна и за колективната јавност. Преку овој договор, кој има за цел негување на културата и враќање на нејзината улога во колективното живеење, Општина Центар, меѓу другото, се обврзува да започне соработка со релевантни субјекти во насока на обезбедување на донации за целосна реконструкција на уникатниот изглед на зградата, уредување на просторот и негово целосно оспособување за непречено функционирање, а исто така, ќе даде и поддршка и препораки за користење на овој јавен простор.

Прочитајте и...  Помпео: Кина на одвратен начин ја злоупотребува смртта на Џорџ Флојд

Киното претставува квалитетен архитектонски јавен простор со површина од околу 150 м2 и висина од околу 7 м. Архитектонските карактеристики на киното овозможуваат овој простор да служи за повеќенаменски културни активности кои би требало, пред сè, да служат во функција на локалната заедница.

За вистинските насоки на проектот „Активни простори на заедницата за граѓански промени“ кој го имплементира Факултет за работи што не се учат, а е поддржан од Проект на УСАИД за граѓанско учество, вечерва во 20 часот во дворот на зградата ќе се одржи дискусија со претставници на локална самоуправа, граѓански организации, индивидуални активисти и станари по што ќе следи музички перформанс со Мухамед Ибрахими.

Железничка колонија претставува повеќесемејна станбена зграда, изградена во 1946 година од архитектот Михаил Дворников. Што се однесува до архитектонската концепција на оваа зграда, таа е обликувана во затворен периметарски блок со внатрешен двор и заеднички поврзани тераси. Покрај станбените единици, архитектонскиот концепт вклучува и јавни простори кои жителите имале можност да ги користат и делат заедно (детски јасли, пералници, внатрешен заеднички двор и заедничко кино).

Прочитајте и...  Приштина ги укина „мерките на реципроцитет“кон Белград, одлуката стапува на сила веднаш

Киното претставува најспецифичен дел од зградата. Истото служело за проекција на филмови и средби на станарите и куќниот совет. Киното функционирало до почетокот на 70-те години, а во него се проектирале филмови со различни социјални и историски содржини, но првенствено било наменето за самите жители на зградата. Од тој период, па сè до денес, киното се користело инцидентно за различни настани, но досега не било активирано во корист на некој поширок (јавен) интерес.

Прочитај повеќе

Полицијата во Хамбург употреби водени топови против демонстрантите, еден полицаец е повреден (ВИДЕО)

Алек Стојковски

Илјадници Израелци протестираа против планот за анексија на Нетанјаху

Слободен печат

Болсонаро по стапките на Трамп: Претседателот се закани дека Бразил ќе ја напушти СЗО

Слободен печат

Одржана втората комеморација во Редфорд, родниот крај на Џорџ Флојд

Слободен печат

Неофашистите предизвикаа нереди во Рим, фрлаа шишиња и петарди по новинарски екипи (ВИДЕО)

Слободен печат

Антонов: Потполна глупост е дека Москва им помага на провокаторите на протестите во САД

Слободен печат

Остави Коментар

Прочитај повеќе

Судири меѓу полицијата и демонстрантите во близина на Даунинг стрит: Полицаец падна од коњот (ВИДЕО)

Слободен печат

Ангеловска: Стапката на невработеност во првото тримесечје од 2020 изнесува 16,2 отсто и е историски најниска

Слободен печат

Истражување: Повеќе од 70 отсто заразени не го пренесувале коронавирусот, тој се ширел на собири во затворен простор

Слободен печат

Партијата на Меркел се противи на одлуката на Трамп за повлекување на 9.500 војници

Слободен печат

Пазарните инспектори поднеле девет пријави за непочитување на протоколите за работа на угостителските објекти

Слободен печат

Ново жариште на коронавирусот во Иран: Бројот на заразени зголемен заради една свадба

Слободен печат