Богатството на Тутанкамон пред нашите очи: Музеј од 24.000 квадратни метри во подножјето на пирамидите во Гиза
По две децении исчекување, оваа година ќе се случи можеби најочекуваниот музеолошки настан во светот: отворањето на Големиот египетски музеј во подножјето на пирамидите во Гиза, во кој ќе бидат сместени повеќе од 100.000 експонати, вклучувајќи го и целото богатство на гробницата на Тутанкамон.
Колосалниот проект го започна поранешниот египетски претседател Хосни Мубарак, кој беше соборен во Египетската пролет. Проектот го изведе архитектонската канцеларија Хенеган Пенг од Даблин, а на дизајнот работеа повеќе од 300 луѓе од шест земји. Работата беше прекинувана неколку пати, а најголем застој предизвика египетската револуција (2011) и коронавирусот. Покрај роковите, беше пробиен и буџетот кој надмина милијарда евра, што е двојно повеќе од планираното .
Огромниот комплекс кој се простира на 24.000 квадратни метри е интегриран во пустинската средина. Фасадата е украсена со антички египетски мотиви. Најголем дел од експонатите што ќе бидат изложени до сега не се претставени на јавноста. Покрај материјалот од гробницата на Тутанкамон, уште еден скапоцен камен е бродот на фараонот Кеопс, изграден за да го олесни патувањето на душата на владетелот до другиот свет. Долг е 42 метри, тежок 20 тони и стар 4.600 години.
Зад гробницата на Тутанкамон можно е да има скриена просторија
Лицето на Тутанкамон по повеќе од 3.300 години научнo реконструирано