Млад човек, под 30 години, успешен студент, мускулест, висок, физички силен – ова се само некои од атрибутите што брачни парови од Германија, Швајцарија и Австрија ги бараат кога се во потрага по добри гени со цел да ја „збогатат својата лоза“ – и се подготвени да платат до 20.000 евра за нив.

Таков е примерот на 24-годишниот Г.Ј од Пожега – ново-дипломиран студент на додипломски студии на Факултетот за спорт. Тој за „Објектив“ изјави дека случајното барање работа во странство целосно му го сменило животот, додавајќи дека неговата авантура започнала само неколку дена откако одговорил на официјалното соопштение на агенцијата со канцеларија во Виена.

„Ми објаснија дека станува збор за работа што бара апсолутна дискреција и дека не можат да ми кажат ништо повеќе, но дека можам да заработам од 10.000 до 20.000 евра. Како студент од мал град во Србија, таа сума ми звучеше како бајка. Секако дека „се фатив на јадица“. Тие ги прегледаа документите за мојата здравствена историја, ме испратија во хотел и ми рекоа дека некој ќе ми се јави. Уште истото попладне, ми се јави еден од нивните агенти и ми рече дека има неколку лица заинтересирани за мојата услуга“, открива Г.Ј.

Тој објаснува дека станува збор за парови кои не можат да имаат деца, но исто така не сакаат да ризикуваат со непознати донори од банките за сперма.

„Ме замолија да имам однос со жената сѐ додека тестот не покаже дека е бремена. Потпишав договор што ме обврзува никогаш да не барам ништо од нив и го сторив тоа. Кога ја видов двојката што ме вработи, веднаш ми стана јасно дека разликата во годините помеѓу партнерите е огромна. Мажот е постар од жената сигурно повеќе од 25 години и поради тоа, тие не можеле да имаат деца. На почетокот одеше тешко, но по неколку обиди жената остана бремена. Нејзиното име, исто како и името на нејзиниот сопруг, никогаш нема да ги дознаам“, вели тој.

Г.Ј. вели дека не знае каде е неговиот наследник. Агенцијата го замолила да поднесе и листа со контакти од свои пријатели кои одговараат на описот за кој има побарувачка, во случај да се заинтересирани за овој вид на ангажман.

„Исто така, тие ме замолија да се обврзам да не давам слични услуги на никого за да избегнам инцестуозни односи со потомци, на што исто така се согласив. Подоцна, тие ми платија во готово. Се вратив дома среќен затоа што ги заработив парите што моите родители ги заработуваат за две години. Но, сфатив дека моето дете можеби никогаш нема да го сретнам во својот живот, и нема начин ни да дознаам каде е, затоа што агенцијата работи за парови кои живеат во Швајцарија, Германија или Австрија“, додава Г.Ј.