Бизнисменот Штерјо Наков исчезна неколку часа, полицијата го најде во Орешани
Познатиот бизнисмен Штерјо Наков вечерва бил неколку часа исчезнат, а неговото семејство пријавило и во полиција, по што започнала потрага.
Доцна вечерта, полицијата го пронашла 74-годишниот Наков во селото Орешани, објави Радио Лидер, повикувајќи се на полициски извори.
Според извештајот, тој бил пронајден во нарушена здравствена состојба, но е надвор од животна опасност.
МВР официјално не соопшти никакви информации ниту за исчезнувањето, ниту за пронаоѓањето на бизнисменот.
Штерјо Наков е долгогодишен сопственик на шпедитерската компанија „Фершпед“, како и на повеќе други фирми и хотели. Тој со децении е еден од најбогатите Македонци.