Бизарна случка во Италија: Маж отишол на вакцинација со силиконска рака, веднаш бил фатен
Италијанец (50) од северниот регион Пиемонт се појавил на својата вакцинација против ковид-19 со лажна рака направена од силикон, по што веднаш бил фатен и сега се соочува со кривична пријава.
Докторот веднаш откако мажот му ја дал раката, се посомневал во човекот. Тој веднаш потоа побарал од мажот да ја соблече кошулата.
Тука пропаднал планот на антиваксерот.
„Се чувствував навредена како професионалец“, изјави Филипа Буа за Република.ит. „Бојата на раката ме натера да се сомневам и затоа го замолив мажот да го открие остатокот од левата рака. Беше добро направен, но не беше во иста боја“.
Откако му била откриена измамата, човекот го молел медицинскиот работник да му прости и да го пушти. Но, тој веднаш бил пријавен, а здравствените власти треба да поднесат пријава до Обвинителството.
Никој претходно не се посомневал
Мажот, наводно, ги следел сите вообичаени процедури, бил интервјуиран за неговото здравје и потпишал формулар за согласност пред лекарот, пред да ја открие својата силиконска рака.
Бизарниот инцидент се случи на 2 декември во центарот за вакцинација во Биела каде што е дозволен директен пристап, без закажување, за оние кои ќе одлучат да ја добијат првата доза од вакцината против Ковид.
Човекот отишол да се вакцинира само поради добивањето на ковид сертификат, кој е задожителен во Италија за извршување на многу работи.