Битиќи: Дадени се насоки за постапки за реструктуирање на „Еурокомпозит”

 На последната владина седница е сменет претставникот на Владата во акционерското собрание на акционерското друштво во државна сопственост „Еурокомпозит” и се дадени насоки дека ќе треба да се почнат постапки за  процес на реструктуирање, односно подготовка за евентуална продажба или репрограмирање и реструктуирање, информира денеска вицепремиерот за економски прашања Фатмир Битиќи.

На новинарско прашање какво решение и помош ќе се понуди за вработените во државниот загубар кои 1,5 година не зеле плата и немаат придонеси Битиќи рече дека со Министерството за економија работат активно и оти најверојатно за два месеца ќе има исход за конечно решевање на проблемот.

-Секој наш граѓанин е важен без разлика дали е млад или стар, без разлика  дали е во приватен или јавен сектор. „Еурокомпозит” е компанија во државна соспственост и оперира по Законот за трговски друштва. За жал, таму состојбите не се добри подолг временски период, од 2017 година таму се влезе со план за реструктуирање  и се намали бројот на вработени од  над 100 на 48. Тие 48  се даде можност за нивно рестартирање, но за жал менаџментот не успеа тоа да го направи, рече Битиќи.

На последната владина седница, дополни, донесовме одлука и го сменивме претставникот на Владата во акционерското собрание и дадовме насоки дека ќе треба да се почнат постапките за  процес на реструктуирање, односно подготовка за евентуална продажба  или репрограмирање и  реструктуирање на  целото  претпријатие затоа што сметаме дека само така е соодветно и одржливо решавање на проблемот на оваа компанија.

-Тие во изминатиот период веќе беа вклучени во неколку пакети, но не може да се одговори секогаш соодветно на нивните барањата како што тоа го замислуваат тие затоа што менаџментот го има доведено претпријатието во навистина незавидна состојба. Но, работиме активно заедно со Министерството за економија најверојатно во наредните два месеца ќе имаме исход за конечно решавање на овој проблем, рече Битиќи, по прес-конференцијата во Владата за повикот „Стартапувај 3″ на ФИТР

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот