Поп ѕвездата Били Ајлиш би требало да му се придружи на семејството Симпсонови во новата емисија на „Disney+“ овој месец, објави пејачката.

Поп ѕвездата која освои Оскар, заедно со братот Финеас О’Конел, ќе се појави во краткиот филм под наслов „Кога Били ја сретна Лиса“ кој ќе се емитува на 22 мај. Лиса Симпсон ќе ги открие Ајлиш и О’Конел додека бара мирно место за вежбање саксофон.

Музичката двојка тогаш ќе ја повикаат Лиса во своето студио на посебна „jam session“, откриваат од таму.

Пејачката (20) се појавува во четвртата колекција кратки филмови создадени исклучиво за „Disney+“. Претходните кратки филмови ги вклучуваа „Maggie Simpson In The Force Awakens From His Nap” со содржина од „Војна на ѕвездите“ и „The Good, The Bart, And The Loki” инспириран од Марвел.

Дуото Ајлиш и Финеас неодамна освоија Оскар за најдобра оригинална песна.