Основачот на „Мајкрософт“ и еден од најбогатите луѓе на светот Бил Гејтс и неговата сопруга Мелинда, пред точно една година потрошија 43 милиони долари на имот покрај океанот во Дел Мар, Калифорнија.

Познатата двојка деновиве е топ-тема во светот поради својот развод, по 27 години поминати во брак.

Наводно, оваа резиденција е една од најголемите продажби досега забележани во ексклузивната енклава. Раскошната мултиструктурална резиденција, освен со семејна резиденција, располага и со две куќи за гости, со зелена стаклена градина како и со удобности како здравствен спа центар, домашно кино, базен со стаклени плочки, џакузи за 10 лица и тениско игралиште.

Изградена во 1999 година од познатиот архитект-дизајнер Кен Рончети, главната куќа има шест спални соби и четири бањи распоредени на 5.800 квадратни метри.

Може да се пофали со импресивни 120 метри директна веранда во океанот и пространа палуба со повеќе катчиња за одморање и јадење.

Велелепниот имот претходно беше во сопственост на Маделин Пикенс – која е поранешна сопруга на нафтениот магнат Т. Бун Пикенс од Тексас. Таа ја стави куќата на продажба на почетокот на 2019 година. Не треба да изненадува фактот дека домот е високо-технолошки, со подно греење и автоматизирана безбедност, осветлување и системи за контрола на климата, како и со систем за влез без клуч.

Бил и Мелинда имаат бројни ултраскапи недвижности, а по разводот кој е во тек, сите се прашуваат на кого ќе му припадне оваа велелепна резиденција.