Поради уличен дефект на улицата „Васил Ѓорѓов“ бб во Центар, пред ОУ „Киро Глигоров“, денеска ќе има прекин во водоснабдувањето за корисниците од улиците „Васил Ѓорѓов“, „Адам Мицкиевиќ“, дел од „Киро Глигоров“, дел од „Козара“, како и Заводот за физикална медицина и рехабилитација. Од ЈП „Водовод и канализација“ информираат дека водоснабдувањето ќе биде прекинато од 09:00 часот до целосно санирање на дефектот.

Дополнително, поради дефект на затварач (шибер) Ф100 мм на улица „5“ број 47 во село Моране, без вода ќе останат корисниците од општина Зелениково и дел од селото Моране. Прекинот во водоснабдувањето ќе започне во 08:30 часот и ќе трае до завршување на работните активности.

Истовремено, без електрична енергија денеска ќе бидат корисниците од улицата „Тодор Чангов“ – крак 48, во општина Аеродром. Како што соопшти РЦУК Скопје, по известување од ЕВН Македонија АД, прекинот во снабдувањето со електрична енергија ќе биде во периодот од 09:00 до 11:00 часот.