Беса 1976 и Пелистер сигурни дома, Арсими го совлада Детонит во ВМФЛ
![](https://www.slobodenpecat.mk/wp-content/uploads/2024/03/изаир-емини.jpg)
Во 18 коло од Втората македонска фудбалска лига (ВМФЛ) Беса 1976 на домашен терен со 2:0 триумфираше против Новаци. Стрелци на головите на овој меч беа Таипи и Емини.
Сигурен беше и битолски Пелистер кој со истиот резултат го надигра тимот на Саса, а триумфот го обезбедија Љамчевски и Талевски.
Екипата на Детонит Плачковица загуби на гостувањето кај Арсими со 2:1. Кај победникот два погодоци запиша Гафури, а на спротивната страна стрелаше Мемети.
Во другите денешни натпревари: Башкими – Осогово 2:1, Скопје – Кожуф Гевгелија 0:0, Охрид – Победа 1:0, Тетекс – Беласица 1:2 и Вардар Неготино – Караорман 2:0.
Табела: Беса 1976 47 бодови, Пелистер 42, Детонит Плачковица 38, Арсими 32, Вардар Неготино 27, Охрид 27, Башкими 27, Скопје 25, Кожуф Гевгелија 24, Беласица 24, Новаци 22, Тетекс 19, Победа 16, Осогово 15, Караорман 15, Саса 8.