Третото основно јавно обвинителство во Белград собира информации од Министерството за внатрешни работи во врска со случајот на студентка која, според студентите на Земјоделскиот факултет во Белград, била однесена во полициска станица против нејзина волја каде што доживеала „физичка и ментална тортура“, а полицијата попладнево го негираше тоа.

„Откако од страна на полициските службеници на полициската станица во Нови Београд беше известено дека лекарката од здравствената установа која се наоѓа на територијата на општина Нови Београд пријавила во полиција дека жена дошла на преглед на 24.09.2025 година и изјавила дека полицаец ѝ нанел телесни повреди, но дека таа не сакала да соработува и да дава дополнителни информации, јавниот обвинител на Третото основно јавно обвинителство во Белград веднаш по приемот на писмениот извештај поднесе барање за собирање на потребните информации до Министерството за внатрешни работи, секторот за информации за внатрешна контрола – оддел за координација на работата на центарот“, се наведува во соопштението за медиумите, објавено од Нова.рс.

Ним им е наложено да го информираат Обвинителството дали веќе презеле некакви дејствија во врска со настанот, да прибават и да достават лични податоци и медицинска документација за жената која била прегледана, како и да се провери дали и како полицајците се однесувале кон неа, а доколку е така, да се достави извештај за третманот.

Студентите во блокадата на Земјоделскиот факултет на Универзитетот во Белград денеска излегоа со шокантна објава дека нивната колешка била однесена во полициската станица против нејзина волја, каде што доживеала „физичка и психолошка тортура“.

ФОТО | Студентите од Србија алармираат: Наша колешка била малтретирана од полицијата, ѝ ја удирале главата од маса, со пиштол, ја врзале за радијатор