Барселона го објави своето конечно повлекување од проектот на Европската суперлига. Во соопштение, објавено на веб-страницата на фудбалскиот клуб, Каталонците официјално ја информираа Европската суперлигашка компанија и другите клубови кои беа дел од иницијативата за нивното повлекување.

Со овој потег, клубот става крај на своето учество во проектот што започна во 2021 година со амбиција за реформирање на европскиот фудбал, но наиде на силен институционален и јавен отпор од самиот почеток.

Барса не навлегува во детали за мотивите за својата одлука, но нагласува дека таа веќе е официјално соопштена до сите вклучени страни.

Така, клубот, предводен од Жоан Лапорта, конечно се приклучува кон постојната натпреварувачка рамка на европскиот фудбал, фокусирана на турнири организирани од УЕФА.

Со ова се затвора поглавје кое предизвика бројни внатрешни и надворешни дебати во последните години.

– ФК Барселона објавува дека во саботата официјално ја информираше „Европската суперлигашка компанија“ и клубовите кои се дел од неа, за своето повлекување од проектот на Европската суперлига – изјавија од „Ноу Камп“.

COMUNICADO DEL FC BARCELONAhttps://t.co/KjFR71FhOj pic.twitter.com/xS4n3keJBn

— FC Barcelona (@FCBarcelona_es) February 7, 2026