Шпанските гиганти Барселона и Реал Мадрид се екипите кои најдобро најдобро ги плаќаат своите спортисти.

Според истражувањето на „Глобал Спортс Интелеџенс“, просечната плата на фудбалерите во Барселона за оваа година изнесува 12.8 милиони евра, што претставува намалување во однос на минатата година кога просечната плата изнесуваше 13.7 милиони евра.

На второто место е Реал Мадрид каде просечната плата е 11.6 милиони евра, додека Јувентус кој минатата година беше деветти, сега скокна на третото место со 10.54 милиони евра.

По трите фудбалски екипи, следат дури седум НБА тима. Во Портланд просечната плата е нешто повеќе од 10.4 милиони евра, Голден Стејт е петти со 10.28 милиони евра, а Оклахома сити е шеста со 9.83 милиони евра. Листата на 10 екипи кои најдобри ги плаќаат своите спортисти ја заокружуваат Денвер нагетс, Мајами хит и Кливленд кавалирс.

Податоците кои „Глобал Спортс Интелеџенс“ ги користеше претставуваат основна годишна плата која не ги вклучува бонусите за потпис на договори, бонусите за настапи и дополнителни бонуси.