Агентот на играчот на „кралскиот“ клуб, Џонатан Барнет вели дека Велшанецот нема да се врати во најсилното англиско првенство.

– Како што и знаете според моите изјава, Герет Бејл е среќен во Мадрид, тука е неговиот дом. Зошто да размислува за продолжување на кариерата на друго место. Тој освои многу трофеи, скоро сè, со исклучок на меѓународните турнири. Да, негово враќање би било нешто големо во Премиер лигата, но тој и натаму ќе биде во дресот на Реал Мадрид – се зборовите на Барнет за „Goal.com“.

До прекинот на оваа сезона поради пандемијата на коронавирус, велшкиот интернационалец запиша 18 натпревари за шпанската екипа, со три голови и две асистенции.

Според „Трансфермаркт“ моментно вреди 32 милиони евра, воедно од претходно се шпекулира дека би можел наскоро да биде дел од новиот „проект“ на Њукасл.

Дури имаше и гласини за негов трансфер во Кина, но и покрај помалата минутажа моментно играчот ужива во одличниот договор со „кралевите“.